وجاءت الانتخابات اخيرا وجاءت المفاجئات وصحي ناس كتير من الوهم اللي عاشوه من اكتر من سنه
احكيلكوا حكاية واحد من اللي حلموا واتلعب بيهم
الرجل دكتور بيطري مدير بالطب البيطري ومش عارف ايه حكاية الدكاترة البيطريين بمجلسي الشعب والشورى حيث كان احد نوابنا السابقين بيطري برضه او بيطار زي ماكانو بيقولوا زمان
المهم الراجل طلع فجاة من حوالي سنه يهني اهالي البلد بحلول رمضان ويهني الاخوة المسيحين في مناسبه اخرى
وكمان الاخوة المسقفتيه (من التصفيق) بدؤا ينشروا معلومات في بلدنا الصغيرة الكبيرة عن هذا الرجل وانه راجل خدوم وبيعين ناس مش عارف ازاي وهو مجرد دكتور ولسه مادخلش اي مجلس حتى يعين بركاته ظاهرة بمجرد ماحط المجلس في دماغه
والراجل بدا في توزيع النتائج الدعائية المطبوع عليها صورته وبدات صورته تلعلع في المحلات وبدا الراجل يحس انه قاعد في المجلس وحس بملمس الكرسي تحتيه
ومن كام شهر ومع ارتفاع سعر اللحوم قام المعلم وبما ان موضوع اللحمه من اختصاصه جاب للبلد كام عربيه لحمه متلجه مش عارف هندي من العيانه ولا اثيوبي من اللي مدبوحه بره السلخانه وباع الكيلو ب 30 جنيه يابلاش نصف التمن
وطبعا مشي مكرفون يعملوه دعايه والغلابه تجري تلحق اللحمه زبالة الامم اللي مبعوتلنا
والغريب انه في نفس الوقت اتربط اسمه بدخول لحمه فاسده واتفصل من منصبه ياترى هي دي اللحمه اللي صرفها في بلده ؟؟
ومن شهر طلع علينا بسرب عربيات ولا فرح شعبي ومشغليين سراين ولا العيال الصغيرة وكل يوم من المغرب يلف هوه وشويه مقاطيع بكام عربيه في البلد يزمروا ويهللوا ومش عارف ايه علاقة ده بالدعاية الانتخابية بدلا مالباشا الدكتور يعملوه برنامج انتخابي ويعرفنا ايه فكره دا لو كان عنده اي منهما استعاض عن ذلك بجمع ماتيسر له من عربيات وكل ماكانت مزوده بسرينه عاليه كان افضل
وطبعا بعد كل ده الكل كان متاكد ان اخينا مش مترشح مستقل وان الوطني منزله
واذا بالمفاجئه وينتهي الحلم على كابوس ...... الوطني باع عضوه الحالي وباع اخينا الدكتور البيطري واعلن عن ترشيحه لشخص اخر تماما بعيد عن الاتنين
في خابور من النوع التقيل
ولم يجد اخينا مايفعله الا يافطه من النوع الصغير توضع في احد ميادين البلد يشكر اهالي البلد (اكيد يقصد اصحاب العربيات اللي كان مؤجرها) ويعلن عن دعمه وتاييده لمرشحي الوطني..... اكيد هو يقدر يعمل غير كده
بس السؤال اللي محيرني هو حيجيب لنا لحمه من المضروبه تاني ولا لا ؟؟؟!!
احكيلكوا حكاية واحد من اللي حلموا واتلعب بيهم
الرجل دكتور بيطري مدير بالطب البيطري ومش عارف ايه حكاية الدكاترة البيطريين بمجلسي الشعب والشورى حيث كان احد نوابنا السابقين بيطري برضه او بيطار زي ماكانو بيقولوا زمان
المهم الراجل طلع فجاة من حوالي سنه يهني اهالي البلد بحلول رمضان ويهني الاخوة المسيحين في مناسبه اخرى
وكمان الاخوة المسقفتيه (من التصفيق) بدؤا ينشروا معلومات في بلدنا الصغيرة الكبيرة عن هذا الرجل وانه راجل خدوم وبيعين ناس مش عارف ازاي وهو مجرد دكتور ولسه مادخلش اي مجلس حتى يعين بركاته ظاهرة بمجرد ماحط المجلس في دماغه
والراجل بدا في توزيع النتائج الدعائية المطبوع عليها صورته وبدات صورته تلعلع في المحلات وبدا الراجل يحس انه قاعد في المجلس وحس بملمس الكرسي تحتيه
ومن كام شهر ومع ارتفاع سعر اللحوم قام المعلم وبما ان موضوع اللحمه من اختصاصه جاب للبلد كام عربيه لحمه متلجه مش عارف هندي من العيانه ولا اثيوبي من اللي مدبوحه بره السلخانه وباع الكيلو ب 30 جنيه يابلاش نصف التمن
وطبعا مشي مكرفون يعملوه دعايه والغلابه تجري تلحق اللحمه زبالة الامم اللي مبعوتلنا
والغريب انه في نفس الوقت اتربط اسمه بدخول لحمه فاسده واتفصل من منصبه ياترى هي دي اللحمه اللي صرفها في بلده ؟؟
ومن شهر طلع علينا بسرب عربيات ولا فرح شعبي ومشغليين سراين ولا العيال الصغيرة وكل يوم من المغرب يلف هوه وشويه مقاطيع بكام عربيه في البلد يزمروا ويهللوا ومش عارف ايه علاقة ده بالدعاية الانتخابية بدلا مالباشا الدكتور يعملوه برنامج انتخابي ويعرفنا ايه فكره دا لو كان عنده اي منهما استعاض عن ذلك بجمع ماتيسر له من عربيات وكل ماكانت مزوده بسرينه عاليه كان افضل
وطبعا بعد كل ده الكل كان متاكد ان اخينا مش مترشح مستقل وان الوطني منزله
واذا بالمفاجئه وينتهي الحلم على كابوس ...... الوطني باع عضوه الحالي وباع اخينا الدكتور البيطري واعلن عن ترشيحه لشخص اخر تماما بعيد عن الاتنين
في خابور من النوع التقيل
ولم يجد اخينا مايفعله الا يافطه من النوع الصغير توضع في احد ميادين البلد يشكر اهالي البلد (اكيد يقصد اصحاب العربيات اللي كان مؤجرها) ويعلن عن دعمه وتاييده لمرشحي الوطني..... اكيد هو يقدر يعمل غير كده
بس السؤال اللي محيرني هو حيجيب لنا لحمه من المضروبه تاني ولا لا ؟؟؟!!
